Рух додани садамаҳои нақлиётии марговар

2-юми сентябри соли 2023, тахминан соати 02:00, ронандаи автомашинаи тамғаи «Мерседес-Бенс», Раҳмонов Улуғбек Маҳмадиевич, соли таваллудаш 1997, сокини шаҳри Турсунзода, ҳангоми ҳаракат аз самти шаҳри Душанбе ба самти шаҳри Турсунзода, дар ҳудуди ҷамоати деҳоти Навободи шаҳри Ҳисор аз уҳдаи идораи воситаи нақлиёт набаромада, дар канори роҳ чаппа шудааст.

Дар натиҷа, мусофири автомашинаи мазкур Умаров Сунатулло Шарипович, соли таваллудаш 1991, сокини шаҳри Турсунзода, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Ронандаи автомашинаи мазкур Раҳмонов У.М. ҷароҳатҳои вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидааст.
1-уми сентябри соли 2023, тахминан соати 22:40-дақиқа, ронандаи автомашинаи тамғаи «Мерседес-Бенс-250», Негматов Хуршед Абдуқодирович, соли таваллудаш 1980, сокини ноҳияи Б.Ғафуров, ҳангоми ҳаракат дар шоҳроҳи «Душанбе-Хуҷанд-Чанок», воқеъ дар километри 226-уми ҳудуди деҳаи Яккабоғи ҷамоати деҳоти Пошкенти шаҳри Истаравшан аз уҳдаи идораи воситаи нақлиёт набаромада, ба самти муқобили ҳаракати роҳ баромада, ба автомашинаи тамғаи «ДАФ», таҳти идораи ронанда Одинаев Ҷомӣ Собирович, соли таваллудаш 1980, сокини ноҳияи Мастчоҳ бархӯрдааст.
Дар натиҷа, мусофири автомашинаи тамғаи «Мерседес-Бенс-250», Рустамов Наимбой Юлдошевич, соли таваллудаш 1967, сокини ноҳияи Б.Ғафуров, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
2-юми сентябри соли 2023, тахминан соати 06:35-дақиқа, ронандаи автомашинаи тамғаи «Опел-Астра», Раҷабов Амиралӣ Мираҳмадович, соли таваллудаш 1988, сокини ноҳияи Муъминобод, ҳангоми ҳаракат аз самти шаҳри Кӯлоб ба самти шаҳри Душанбе, дар километри 50-уми ҳудуди ҷамоати деҳоти Дуконии шаҳри Норак аз уҳдаи идораи воситаи нақлиёт набаромада, ба чуқурии 70 метр чаппа шудааст.
Дар натиҷа, ронандаи автомашинаи мазкур Раҷабов А.М. ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Мусофирони автомашинаи мазкур, шаҳрвандон Карахонова Басонат Зафархоновна, соли таваллудаш 2000, сокини шаҳри Кӯлоб ва Саторов Саидюсуф Саидмуҳамадович, соли таваллудаш 1984, сокини ноҳияи Восеъ, ҷароҳатҳои гуногуни ҷисмонӣ бардошта, дар беморхона бистарӣ гардидаанд.
2-юми сентябри соли 2023, тахминан соати 20:30-дақиқа, автомашинаи тамғаи «БМВ», Уронов Ҷамшед Абдуғаниевич, соли таваллудаш 2000, сокини шаҳри Хуҷанд, ҳангоми ҳаракат аз самти кӯчаи Айнӣ ба самти кӯчаи Ҷ.Расулов, қоидаҳои ҳаракати роҳро риоя накарда, дар болои хати пиёдагардони танзимшаванда, пиёдагард Имомализода Самандар Қувваталӣ, соли таваллудаш 1993, сокини ноҳияи Фархорро пахш намудааст.
Дар натиҷа, Имомализода С.Қ. ҷароҳатҳои вазнини ҷисмонӣ бардошта, ҳангоми аз ҷониби худи ронанда ба беморхона дастрас намудан, дар роҳ ба ҳалокат расидааст.
2-юми сентябри соли 2023, тахминан соати 19:20-дақиқа, ронандаи автомашинаи тамғаи «Тайота-Камри», Қурбонов Шералӣ Ҷамолиддинович, соли таваллудаш 1991, сокини ноҳияи Шаҳринав, ҳангоми ҳаракат бо шоҳроҳи «Айнӣ-Панҷакент», дар ҳудуди ҷамоати деҳоти Ёрии шаҳри Панҷакент, аз уҳдаи идораи воситаи нақлиёт набаромада, пиёдагарди хурдсол Ҳазратқулов Меҳробшоҳ Ҳусейнович, соли таваллудаш 2020, сокини шаҳри мазкурро пахш намудааст.
Дар натиҷа, хурдсол Ҳазратқулов М.Ҳ. ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Оид ба ин ҳодисаҳо таҳқиқот идома дорад.