Ҳалокати ду ноболиғ бар асари садамаҳои нақлиётӣ

21-уми августи соли 2023, тахминан соати 10:00, ронандаи автомашинаи тамғаи «Хундай Аванте», Атаев Азимхон Ҳамидхонович, соли таваллудаш 1992, сокини шаҳри Хуҷанд, ҳангоми ҳаракат дар роҳи мошингарди «Хуҷанд-Душанбе-Чанок», дар ҳудуди шаҳри Истаравшан аз уҳдаи идораи воситаи нақлиёт набаромада, пиёдагарди ноболиғ Сувонов Хушбахт Акбаралиевич, соли таваллудаш 2010, сокини шаҳри мазкурро пахш намудааст.

Дар натиҷа, ноболиғ Сувонов Х.А. ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
21-уми августи соли 2023, тахминан соати 10:00, ронандаи автомашинаи тамғаи “Тайота-Кемри”, Азимов Самандар Каримович, соли таваллудаш 1990, сокини шаҳри Душанбе, ҳангоми ҳаракат дар шоҳроҳи “Душанбе-Кулоб”, дар ҳудуди ҷамаоти деҳоти Себистон қоидаҳои ҳаракати роҳро риоя накарда, ба самти муқобили ҳаракати роҳ баромада, чаппа шудааст.
Дар натиҷа, мусофири автомашинаи мазкур, ноболиғ Каримзода Руқия Самандар, соли таваллудаш 2017, сокини шаҳри Душанбе, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Мусофири дигари ҳамин автомашина Камолова Зебо Ҳикматуллоевна, соли таваллудаш 1987, сокини шаҳри Душанбе, ҷароҳатҳои ҷисмонӣ бардошта, дар беморхона бистарӣ гардидааст.
Оид ба ин ҳодисаҳо таҳқиқот идома дорад.